ديزاد شنوي
أهلا و سهلاا بك في المنتدى

نرحب بك في عائلتنا وننتظر مشاركاتك

ولا تتردد في طلب المساعدة

طاقم ديزاد شنوي في الخدمة

ديزاد شنوي "التقدم نحو الأفضل"

تحياتي

من الدينار للمليار .. مهبول ومهبولة

استعرض الموضوع السابق استعرض الموضوع التالي اذهب الى الأسفل

من الدينار للمليار .. مهبول ومهبولة

مُساهمة من طرف NouReDDiNe_Dz في الأحد مايو 28, 2017 1:21 am

مقديمة اون بليس نعرفو نطيبو -___-
البائسون كيفكم وكيف تجوزون ايام رمضان انا في خاطري هاد رمضان نفطر غير شربة بالسردين طريقة التحضير سهلة مجموعة من السردين يكون صغير قد ما يكون صغير تجي بنينة كثر وتحضري القدر يكون فيه الطماط الطبيعي والمعلب والثوم والبصل والمعدنوس وجامبو بالدجاج والزيت ونصف لتر ما سعيدة سخون وتزيديلو السردين هداك وتخلي السردين يعوم في هداك القدر على نار هادية لمدة ساعة ... وبصحتكم شريبتكم -______- مجربة والنتائج مضمونة
ردا علي قالو منعرفوش نطيبو



بداية حلم ....
بعيدا عن عالم الطبخ تعددت مواهبي في هذا الزمن الشحيح المهم نرجعو لحكاية هداك المجنون سي سكر قالكم على المليار ايه انا حكايتي بدات نهار كانو يديرو اللوطو هاديك الدويرة تاع الارقام في اليتيمة المهم انا وصاحبي الهواري قاعدين بينا التشومير شرينا زوج قصاصات ايا وخيرنا 9 ارقام ودرناهم في اونفلوب مغلق باحكام ورسلناهم في السحب الجاي انا كنت مخير غير الاعداد الفردية المهم والهواري يقول ياي معرفة ومخدومة وانا هادي المرة الالف نشارك ايا المهم نهار الصح حتى يدورو العجلة هادية والرقم لول كيما تاعي والزاوج والثاااااالث اووووووو والعجلة دور ومبعدا مبروك القرصان راك ربحت مليار .. في البلاصة الهواري صاحبي قالي راك مليونير اممم شفت معاه قتلو ماشي منير انا وانت انقلع حالا مزالك برك مجمع معايا عندي مليار يخي وجهك صحيح انت تاعك هذا ولا مسلفو ... المهم عايرني هو وقالي لو كان ما انا .. ايا ما ديتهاش فيه او مليار يا محاينك

الشريكة كبرت يا محاينك
المهم وش نحكيلكم لبست فيها كوستيم والحية وهزيت الشيك الكبييييييير هذاك تحساب فيه ريدو المهم ما طولتش ايا حولتو دراهم .. ايا قالك عمك غوغل فيه كلش انا كتبت ماذا افعل بمليار ؟؟؟ خرجلي صدقات على الفقراء وساهم في بناء مستشفى ... اممم انا يا خويا ما نعرفش هاد صوالح نعرف مليار يجيب خوه و10 تجيب 10 وهي الحياة في عالم المال والاعمال ... ايا خممت ومبعدا ديراكت عطيتها للبور port خوك دورها امبورت اكسبورت (شركة القرصان للاستيراد والتصدير) الهدرة معايا قليلة المهم انا خممت لقيت ماهو جاي غير الشتا والشعب يموت في معشوقة الملايين انها اللوبيا يا سادة المهم شريت زوج لي كونتونار ما طولوش لحقو شريتهم بمليار بعت بزوج ... نعم خوكم كومارسو من العراض من مليار تاع اللوطو وليت في زوج وتحلى الحياة ... المهم شاع خبري بالخف اكم عارفين الويفي عندنا قاوي ... ايا سمعو بيا الديناصورات لي محتكرين السوق تاع البور جا ليا واحد الشيخ كرشو خارجة قالي وليدي اني نعرف عليك كلش اك ديت مليار فايدة في اللوبيا وشفتك زوالي ما بغيتش عليك مادا بيك ما تزيدش دور هنا ومشى ...

الطمع وين يوصل
ما ديتهاش في هدرة الشيخ هداك بديت نقول بيني بين نفسي حسدني الحلوف لن اتوقف عن جمع الملايير وسأحتل العالم ... المهم حكمت هادوك زوج ملاير وامبورتيت 4 لي كونتونار تاع ثوم ... وكل يوم نستنى في البابور يلحق وانا نشوف فيها 8 ملاير يا سادة المهم وانا نغني يا البابور يا مونامور خرجني من لاميزار ويطل حبيبنا اوووو طال غيابك طال وانا زاد عذابي اخخخخ نعم محمل بلي كونتونار تاوعي تاع الثوم مي هاد المرة تبدلت الحكاية مبغاوش يخرجولي لي كونتونار تاوعي كل يوم مدابز معاهم المهم بعد شهر من السطوك في البور قالولي اهم ليك كي فتحوهم الجمارك نلقاو في الثوم بيه طول في البحر والسطوك كامل ذبل وعاود نبت اععععععععععععععع ناض من جديد وراحت احلامي سدى فات عليا هداك الشيخ وقالي قتلك يا وليدي ما تزيدش دور هنا وانت راسك يابس...

نهاية حلم .. حياة البأس ترحب بكم -__-
المهم زادو داو شارعولي على الثوم الفاسد وغرموني بمليار ايا وليت كي جماعة المالي والنيجر نظال صدكة صدكة نظال نحشم روحي عند الناس ما سلكني غير الهواري اخخخخ اكيد بعدما شبعني تعراش ومن يومها ما زادش طل عليا الضو وراحت احلامي مع الثوم الغدار اخخخخ اه يا الثوم الغدار وانت لي بيا ديتني عند دوك الناس رماوني في الهاوية
avatar
NouReDDiNe_Dz
إدارة ديزاد شنوي
إدارة ديزاد شنوي

المساهمات : 771
تاريخ التسجيل : 20/04/2017

http://dzchanwi.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

إنشاء حساب أو تسجيل الدخول لتستطيع الرد

تحتاج إلى أن يكون عضوا لتستطيع الرد.

انشئ حساب

يمكنك الانضمام لشركة انكور فعملية التسجيل سهله !


انشاء حساب جديد

تسجيل الدخول

اذا كنت مسجل معنا فيمكنك الدخول بالضغط هنا


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى

  • © phpBB | منتدى مجاني | منتدى مجاني للدعم و المساعدة | إتصل بنا | التبليغ عن محتوى مخالف | احدث مدونتك مجانيا
    الساعة الآن: