ديزاد شنوي
أهلا و سهلاا بك في المنتدى

نرحب بك في عائلتنا وننتظر مشاركاتك

ولا تتردد في طلب المساعدة

طاقم ديزاد شنوي في الخدمة

ديزاد شنوي "التقدم نحو الأفضل"

تحياتي

من الدوار... للدولار ..... مهبول و مهبوولة

استعرض الموضوع السابق استعرض الموضوع التالي اذهب الى الأسفل

من الدوار... للدولار ..... مهبول و مهبوولة

مُساهمة من طرف NouReDDiNe_Dz في الإثنين يونيو 05, 2017 8:10 pm

السلام عليكم ​

واحد النهار و انا مريح في عافية ربي ​

يجيني تلفون ​

الو شكون ؟؟ ​

- معك مصطفى الاغا من ام بي سي ​

- ايو الله ؟؟ ​

- مبروك عليك ...مبروك ....مليون ر يال سعودي ....​

-يا خيرك يا ربي ...راني ربحت في الحلم .....ياخيرك يا ربي ....
ههه​

بسم الله ايا وش ندير ...وش ندير ...ايه ​

لقيتها ​

نشري طيارة ....ايا شريت طيارة بصح ما عطواليش آري في المطار تاع هواري بو مدين ....هه...ايا درتها صالة تاع اعراس ...طيارة اعراس ..كريتها شوي مع الصيف و درت بيها الخير في الناس
و منبعد رقدت الخدمة ..ايا قلت نفرودي بيها ...كلونديستان ..ههه....و نخدم على روحي النار تشعل ..لاروسات تلحق 20 مليون للنهار و البلاصة 100 الف ...هههه....ايا راني كيما هاك ...واحد النهار كلمني صاحبي قالي القاشي راهم في هواري بومدين كي الدود ...بيهم الخدامة دارو اضراب ..ههه....قالي راه القاشي فوق بعضو بعض ....
ايااا..هذي فرصتي ....نضرب فيها كورسة قالعافية و ندخل فيها روسات تاع شهرين
ههه
و ديماريت ...اااااان ااااان ...طيارة راني نقلك ..ههه...
و Gاريت قدام المطار و بديت نعيط ...كورسة ..كورسة ....آلي روتور راني نجي فارق ...الي روتور ..راني نجي فارق
ههه
وقال القاشي يطلع من كل الاجناس ....ههه...الهنودة ..الالمان ..الفرانسيس ...و الدزيري حGا دايما مادي بلاصة
ههه
ايا ديمارينا و الوجهة ...رحلة حول العالم ...
هه
ماااارّة و حنا هاك ...حتى سينيالات الطيارة ...كاين 3 بلايص زيادة .....طيط ...طيط ...طيط ....و الاضواو الحمر ياتل كارثة ...ايا قلنا لازم 3 من الناس يضحو برواحهم ....واحد ما حب ...جماعة ؟؟....يا ينوضو منكم 3 ..يا نقلب الطيارة في البحر ....راه عندي كوبتير ثاني ...نهرب بيها و نخليكم هنا ....هههه....و قلت للطيّار يتكي الطيارة باه يبانلهم البحر و يخافو شوي ...ههه
ايا شوي هاك ناض الالماني ...الالماني هذاك طول عرض وش نحكيلك ...في النكوة تاعو مش دايرين القامة ..دايرين المساحة ....هههه...ناض و بدا يهدر ..شناخت فاخت بايرن ميونيخ ...دورتموند ..هتلر ق لينا و شاورنا قدام ليدير الحرب ..ههه...ايا فتح الباب و نقز ....
و الدزيري هذاك " طريق العافية ..."....ههههه
ايا جماعة ...الالماني صح طويل و عريض بصح الحكاية راها بالبلايص ....مااارّة هاك ناض الفرونسي هذاك ...
نوسوم لي فرونسو نو سوم لي نوبل
بونابارت نسيبنا
ههه
ايا و فتح الباب ....و عطاها
و الدزيري : " طريق العافية ..تلقاها زينة " ...ههه
و من الجماعة لي راكبين ...كاين هندي ..فيه نص ميترة ....ضارب النح
قالولو نوض قالهم راني خفيف ...موش عارف بلي الدعوة بلايص
هه
ايا الجماعة طاحت عينهم فيا
قالولي دالتك ...ياتل كفاه ؟؟ ...قالك دبر راسك ..دارولي انقلاب في الطيارة
ايا قلتلو افتح الباب افتح ...تحسبونا نخافو حنا ....دزيري صافا ....ديما القدام ...الرجعة ماكاش ....
افتح الباب ...افتح ....افتح يقتلنا الطحين هنا ؟؟؟ ...
و مع يفتحلي السيد الباب ..شديت الهندي : " لوح الخماج .."
ههههههههههههه
ايا لحت الهندي في البحر و سلكنا على خير ...
ههه
وكي رجعنا ...الهنودة بني عم الهندي رفعوا بيا دعوة قضائية ....ههه
و نحاولي الطيارة ...في المحكمة
و رجعت زوالي كي بكري
ههه​

صح فطوركم

avatar
NouReDDiNe_Dz
إدارة ديزاد شنوي
إدارة ديزاد شنوي

المساهمات : 771
تاريخ التسجيل : 20/04/2017

http://dzchanwi.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

إنشاء حساب أو تسجيل الدخول لتستطيع الرد

تحتاج إلى أن يكون عضوا لتستطيع الرد.

انشئ حساب

يمكنك الانضمام لشركة انكور فعملية التسجيل سهله !


انشاء حساب جديد

تسجيل الدخول

اذا كنت مسجل معنا فيمكنك الدخول بالضغط هنا


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى

  • © phpBB | Ahlamontada.com | منتدى مجاني للدعم و المساعدة | إتصل بنا | التبليغ عن محتوى مخالف | احدث مدونتك
    الساعة الآن: